Erit eloquens is qui in foro causisque civilibus ita dicet, ut probet, ut delectet, ut animos flectat. Probare necessitatis est, delctare suavitatatis, flectere vicoriae: nam id unum omnibus ad obtinendas causas potest plurimum. Sed quot officia oratoris, tot sunt genera dicendi: subtile in probando, modicum in delectando, vehemens in flectendo; in quo uno vis omnis oratoris est. Magni igitur iudicii, summae etiam facultatis esse debebit moderator ille et quasi temperator huius tripertitae varietatis. Nam et iudicabit quid cuique opus sit et poterit, quocumque modo postulabit causa, dicere. Sed est eloquentiae sicut reliquarum rerum fundamentum sapienta. Ut enim vita, sic in oratione nihil est difficilius quam quid diceat videre.
la traduzione la trovi sul nostro sito cliccando
/versione-cicerone/tre-generi-oratoria.html
