Non sum sapiens, nec ero. Exìge itaque a me, non ut optìmis par sim, sed ut malis melior: hoc mihi satis est, cotidie alìquid ex vitiis meis demere et erròres meos obiurgàre. Non pervèni ad sanitatem, ne perveniam quidem. «Aliter», inquis, «loqueris, alìter vivis». Hoc Platòni obiectum est, obiectum Epicùro, obiectum Zenòni; omnes enim isti dicèbant vivendum esse non quemadmòdum ipsi vivérent, sed quemadmodum esset et ipsis vivendum. De virtute, non de me loquor, et cum vitiis convicium facio, in primis meis convicium facio: vivam quomodo oportet. Nec malignitas me ista multo venèno tincta deterrebit ab optìmis; ne virus quidem istud, quo alios spargìtis, quo vos necàtis, me impediet quomìnus persevérem laudare vitam, non quam ago, sed quam agendam (esse) scio, quomìnus virtutem adòrem et ex intervallo ingenti reptabundus sequar.
ho tradotto personalmente la tua versione ed ora la trovi sul nostro sito cliccando
/versione-seneca/fate-quel-che-dico-non-quel-che-faccio.html
Grazie e Auguri di una Santa Pasqua.!