Misfatti di Pisone governatore della Cappadocia
Autore: Cicerone
Notata a nobis sunt prima illa scelera in adventu tuo, cum, accepta pecunia a Dyrrachinis ob necem hospitis tui Platonis, eius ipsius domum devertisti cuius sanguinem addixeras, eumque, servis symphoniacis et aliis muneribus acceptis, timentem multumque dubitatem confirmasti et Thessalonicam fide tua venire iussisti; ei medico autem, quem tecum tu eduxeras, imperasti ut venas hominis incideret eiusque comitem, summa senectute confectum, verberibus necasti. Idemque tu Rabocentum, Bessicae gentis principem, cum te trecentis talentis regi Cotyi vendidisses, securi percussisti, cum ille ad te legatus in castra venisset et tibi magna praesidia et auxilia peditum equitumque polliceretur, neque eum solum, sed etiam ceteros legatos qui simul venerant; quorum omnium capita regi Cotyi vendidisti.
Abbiamo già tradotto questa versione ed è disponibile a richiesta registrandoti nel nostro forum.
___________________
E' vietato copiare le versioni di SkuolaSprint su altri siti o forum eventualmente mettere il link di questa pagina.
