Nella buona sorte bisogna evitare la superbia
Autore: Cicerone
Etiam in rebus prosperis et ad voluntatem nostram fluentibus superbiam magnopere, fastidium arrogantiamque fugiamus. Nam, ut adversas res, sic secundas immoderate ferre levitatis est, praeclara est aequabilitas in omni vita et idem semper voltus eademque frons, ut de Socrate accepimus. Philippum, Macedonum regem, rebus gestis et militari gloria a filio superatum, facilitate et humanitate video superiorem fuisse; itaque pater semper magnus, filius saepe turpissimus, ita ut recte videantur praecipere qui monent ut, quanto superiores simus, tanto nos geramus submissius. Panaetius philosophus Africanum auditorem et familiarem suum ait solitum fuisse dicere «ut equos, propter crebras contentiones proeliorum ferocitate exsultantes, domitoribus tradere soleant domini, ut iis facilioribus possint uti, sic homines secundis rebus effrenatos sibique praefidentes, tamquam in gyrum rationis et doctrinae duci oportere, ut perspicerent rerum humanarum imbecillitatem varietatemque fortunae».
Abbiamo già tradotto questa versione ed è disponibile a richiesta registrandoti nel nostro forum.
_________________
___________________
E' vietato copiare le versioni di SkuolaSprint su altri siti o forum eventualmente mettere il link di questa pagina.
