Platone e il vino (Versione latino Gellio)
Platone e il vino
versione di latino di Gellio e traduzione
Ex insula Creta quispiam Platonicum esse se philosophum dicebat et videri gestiebat.
erat autem nihili homo et nugator et praeterea vini libidine ebriosus. is in conviviis iuvenum, simul ac utiles delectabilesque sermones coeperant, silentio ad audiendu petito, loqui coeptabat atque hortabatur omne ad bibendum idque se facere ex decreto Platonico praedicabat, tamquam Plato in libris, quos de legibus composuit, laudes ebrietatis copiosssime scripsisset utilemque esse eam bonis ac fortibus viris censuisset.
ac simul inter eiusmodi orationem crebris et ingentibus poculis omne ingenium ingurgitabat, fomitem esse quendam dicens ingenii virtutisque, si mens et corpus hominis vino flagraret.
sed Plato non, ut ille nebulo opinabatur, ebrietatem istam turpissimam, quae labefacere et imminuere hominum mentes solet, laudavit, sed hanc largiorem paulo iucundioremque vivi invitationem non improbavit. nam et modicis honestisque inter bibendum remissionibus refici integrarique animos putabat
Le versioni del tuo libro senza doverle cercare?