De Natura animalium Libro VI 1

Homines, ut boni ac fortes viri sint, hortatione egent, et suasionis oratione plena, quae et metum tollat, et addat animos; athletae quidem ad stadia hortandi sunt, milites ad arma.  Robore non item extrinsecus adsumpto bestiae egent; at ex sese potius vires incitant et semet confirmant.  Aper quidem pugnaturus ad lapides  laeves ac politos dentes exacuit: quod Homerus etiam non ignoravit.