Disponibilità del giovane per la politica - Aristotele versione greco Klimax

Disponibilità del giovane per la politica

VERSIONE DI GRECO di Aristotele

TRADUZIONE dal libro Klimax

questa versione è visibile ai soli utenti registrati

Ἕκαστος δὲ κρίνει καλῶς ἃ γινώσκει, καὶ τούτων ἐστὶν ἀγαθὸς κριτής.  καθ᾽ ἕκαστον µὲν ἄρα ὁ πεπαιδευµένος, ἁπλῶς δ᾽ ὁ περὶ πᾶν πεπαιδευµένος. διὸ τῆς πολιτικῆς οὐκ ἔστιν οἰκεῖος 1ἀκροατὴς ὁ νέος· ἄπειρος γὰρ τῶν κατὰ τὸν βίον πράξεων, οἱ λόγοι δ᾽ ἐκ τούτων καὶ περὶ τούτων· ἔτι δὲ τοῖς πάθεσιν ἀκολουθητικὸς ὢν  µαταίως ἀκούσεται καὶ ἀνωφελῶς, ἐπειδὴ τὸ τέλος ἐστὶν οὐ γνῶσις ἀλλὰ πρᾶξις. διαφέρει δ᾽ οὐδὲν νέος τὴν ἡλικίαν ἢ τὸ ἦθος νεαρός· οὐ γὰρ παρὰ τὸν χρόνον ἡ ἔλλειψις, ἀλλὰ διὰ τὸ κατὰ πάθος ζῆν καὶ διώκειν ἕκαστα. τοῖς γὰρ τοιούτοις ἀνόνητος ἡ γνῶσις γίνεται, καθάπερ τοῖς ἀκρατέσιν·  τοῖς δὲ κατὰ λόγον τὰς ὀρέξεις ποιουµένοις καὶ πράττουσι πολυωφελὲς ἂν εἴη τὸ περὶ τούτων εἰδέναι.  Καὶ περὶ µὲν ἀκροατοῦ, καὶ πῶς ἀποδεκτέον, καὶ τί προτιθέµεθα, πεφροιµιάσθω ταῦτα