Le invenzioni di Archimede

Bello Punico secundo Syracusas Marcellus, Romanorum dux, facile expugnavisset, nisi tunc in urbeArchimedes fuisset, peritus mathematicarum artium, caeli siderumque clarus spectator atque mirabilis inventor bellicorum tormentorum. Adversus navalem Romanorum apparatum Archimedes multa et varia tormenta in moenibus disposuit ut oppidani et in hostium naves, quae extra portum erant, saxa ingentia emittere possent et eas, quae portum occupabant, crebris telis iacularentur. Praeterea, cum naves ad moenia accederent, ferrea manu tollebantur atque cum ingenti nautarum trepidatione in saxa proiciebantur. Itaque Syracusani propter Archimedis ingenium maritimam Romanorum oppugnationem per triennium eluserunt. Sed is, cum Romani Syracusas expugnaverunt, necopinatam mortem invenit. Nam Marcellus, qui Archimedis famam bene noverat, cum eum secum Romam ferre vellet, ut milites ei parcerent imperavit, sed Archimedes a milite qui eum non agnoverat, interfectus est.