Traduzione di questa versione : La battaglia di Maratona

In rebus adversis magna semper fuit Graecorum virtus. Olim Atheniensium res publica
in magno periculo fuit, quia Dareus, Persarum rex, bellum contra Graeciam susceperat
et Datim Artaphernemque, praefectos regios, cum ingenti exercitu in Atticam miserat.
Parvus erat militum Atheniensium numerus atque omnes Graeciae civitates, praeter
Plataeenses, multis de causis auxilia recusaverant. Tamen Athenienses Persarum
innumeram multitudinem non reformidaverunt et statuerunt pro Greciae libertate strenue dimicare. Tum in tanto discrimine refulsit Miltiadis rei
militaris peritia. In planitie apud Marathona Atheniensium dux enim contra Persas non
dubitavit aciem instruere proeliumque committere. Initio diei in media acie Persae, in
cornibus aciei Graeci victores fuerunt; post meridiem Atheniensium et Plataeensium
victoria certa fuit: nam Persae effuse in naves confugerunt. Itaque Miltiadis prudentia
et militum fortitudo a pernicie totam Graeciaem servaverunt et libertatem
comparaverunt. Omnes rerum scriptores magnis laudibus gloriam facinoris
celebraverunt semperque in aevum celebrabunt.