Straordinario amore di Timoleonte per la libertà

Timoleon Corinthius sine dubio magnus, omnium iudicio, vir exstitit. Namque huic uni contigit ut et patriam, in qua erat natus, oppressam a tyranno liberaret, et a Syracusanis, quibus auxilio missus erat, inveteratam servitutem depellĕret. Sed in his rebus varia fortuna conflictatus est et nescio an sapientius tulerit secundam quam adversam fortunam. Nam, cum frater eius Timophanes tyrannidem Corinthi per milites mercenarios occupavisset, particepsque regni ipse esse posset, illius criminis socius fieri noluit et, ut suorum civium libertatem tueretur legibusque oboediret, fratrem tyrannum interficiendum curavit. Hoc clarissimum eius factum non pari modo probatum est ab omnibus: nonnulli enim ab eo laesam esse pietatem erga fratrem putabant adeo ut Timoleontis mater, cum id factum esset, neque domum ad se filium admiserit neque eum umquam aspicere voluerit. Quibus rebus ille adeo est commotus, ut vitae finem facere voluerit.

Ho bisogno della traduzione di questa versione di latino