NON SI VINCE SOLO CON LA FORZA da comes in itinere

Caesar copias suas divisit partemque legionum in castris Pompei remanere iussit, partem in sua castra remisit, IV secum legiones duxit Pompeianisque occurrere coepit et, progressus milia passuum VI, aciem instruxit. Pompeiani, quos ea non fugerant, in quodam monte constiterunt, quem flumen subluebat. Caesar cohortatus milites, etsi totius diei continenti labore erant confecti noxque suberat, munitione flumen a monte secludi iussit, ne noctu aquari Pompeiani possent. Quo perfecto opere, illi, cum eos aqua defecisset, miserunt legatos ut de deditione agerent salutemque sibi a victore peterent. Caesar prima luce eos ex superioribus locis in planitiem descendere atque arma proicere iussit. Quod ubi sine recusatione fecerunt passisque palmis proiecti ad terram flentes ab eo salutem petiverunt, Caesar eos consurgere iussit et, pauca de sua lenitate locutus, omnes conservavit militibusque suis commendavit. Clementiae imperatorem numquam paenitendum est, quae contra animos hostiles sibi conciliat fidelesque etiam in rebus adversis reddit.


Cliccare qui per la traduzione

/libro-latino/comesinitinere/non-si-vince-solo-con-la-forza.html