IL BUE API versione di latino da Plinio il giovane

Bos, quem Apim Aegyptii vocant, numinis vice colitur. Insigne est ei in dextro latere macula candicans, et sub lingua macula suffusca. Non est fas eum excedere certos annos vitae: cum enim vitae tempus complevit, necatur a sacerdotibus. Tum sacerdotes alium quaerunt bovem et, donec invenerint, maerent, derasis etiam capitibus; nec tamen umquam diu quaeritur. Cum autem inventus est, deducitur Memphim a sacedotibus centum. Bos responsa privatis dat, e manu consulentium cibum capiendo. Caligulae vero manum adversatus est: imperatorem haud multo postea exstinctum esse constat. Cum bos incedit in urbe, lictores praecurrunt eum et greges puerorum comitantur, carmen honori eius canentium: intellegere videtur et adorari velle. Hi greges, repente limphati, futura praecinunt.