Atreo e Tieste, fratelli coltelli.

Mercurius, aegre ferens a Pelope Myrtilum filium suum in mare praecipitatum (esse) spoliatumque vitae lege, repperit vindictam qua consolaretur orbitatem. Nam Pelopis filiis Atreo et Thyeste tantum discordiae iniecit ut germanitatis iura disrumperent. Cum igitur alternis vicibus regnum regerent, et sciret Thyestes regnum penes eum fataliter mansurum (esse), qui arietem aurei velleris haberet, quem tum Atreus regnum ingressus custodiebat, corrumpens Europam, fratris sui uxorem, eum ad se transferri posse sperabat. Quod ille (Atreus) postquam didicit, eum cum duobus filiis suis expulit et postea, simulata gratia, ad eum misit eique ad se vocatos filios suos interemptos adposuit epulandos, eique post epulas filiorum capita signum (come prova) convivii ostendit feralis. In cuius rei ultionem cum Thyestes consulta de oraculis posceret, responsum est per eum certam venire vindictam qui ex ipso et filia Pelopia natus esset. Unde ille cito amplexus filiae invadit, ex qua natus est puer quem illa in silvas propter conscientiam incestus abiecit. Hic, caprae uberibus nutritus, ex eadem re Aegisthus nomen accepit, Atreum vero, cum adolevisset in vindictam patris, occidit. Qui postea ab Oreste, filius Agamemnonis, cum ea, quam adulteraverat, occiditur.


ho tradotto questa versione e la traduzione la trovate cliccando

/versione-latino/atreo-e-tieste-fratelli-coltelli.html