da Dan_8686 » 3 mar 2013, 11:55
E' questa? Olim vulpes improvida insidias venatorum non vitaverat et in tenaci laqueo caudam suam amiserat. Ubi deformitatem suam vidit, vehementi pudore cruciabatur vitamque suam intolerabilem putabat. Statuit igitur ceteras vulpes similes suae deformitati reddere ut vitium suum communi malo occultare posset. Itaque comites suas congregat et in frequenti contione fallaci mente monet ut caudas suas abscindant. <<Caudae nostrae - inquit - non solum turpes dedecorae sunt, sed onus inutile nimisque grave viribus nostris imponunt. Caudas celeri consilio abscindere de nostris corporibus debemus ne intolerabili onere opprimamur>>. Dum ceterae vulpes fallacia verba attente audiunt, vulpecula iuvenis sagaci mente fraudem intellexit et sic respondit: <<Amica, consilium tuo turpi corpori utile est, non nostris: nam caudae nostrae non deformes vel foedae sunt, nec onus grave est, neque tu, si caudam haberes, talia verba diceres>>, Fabella monet ne fallacium hominum verbis credamus