Agnodice, prima ostetrica ad Atene(Igino)

Agnodice, prima ostetrica ad Atene(Igino)

Graeci obstetrices non habebant, unde mulieres, verecundia medicorum virorum ductae, saepe interibant: nam Athenienses caverant ne quis servus aut femina artem medicam disceret.Agnodice tamen quaedam concupivit medicinam discere; itaque, demptis capillis habituque virili, se tradidit Herophilo cuidam, medico praeclaro, ut artem eius disceret.Postea, cum artem didicisset et feminam partu laborantem audivisset, ad eam venit, sed cum illa nollet se ei credere, aestimans eam virum esse, Agnodice, tunica sublata, ostendit se feminam esse et ita eam curavit.Tum medici eam apud Aeropagitas accusare coeperunt quod, cum vir esset, feminas parturientes curaret.Agnodice autem, cum ante iudices tunicam adlevavisset et ostendisset se esse feminam, dimissa est.Deinde Athenienses legem emendaverunt ut ingenuae artem medicam discere possent.