Le forme di governo (da Polibio, Le storie)

Αυτη καλου και δικαιου πρωτη παρ' ανθρωποις κατα φυσιν εννοια και των εναντιων τουτοις, αυτη βασιλειας αληθινης αρχη και γενεσις. Ου γαρ μονον αυτοις, αλλα και τοις εκ τουτων (οι) πολλοι διαφυλαττουσι τας αρχας, πεπεισμενοι τους εκ τοιουτων γεγονοτας και τραφεντας υπο τοιουτοις παραπλησιους εξειν και τας προαιρεσεις. Εαν δε ποτε τοις εγγονοις δυσαρεστησωσι, ποιουνται μετα ταυτα την αιρεσιν των αρχοντων και βασιλεων ουκετι κατα τας σωματικας και θυμικας δυναμεις, αλλα κατα τας της γνωμης και του λογισμου διαφορας, πειραν ειληφοτες επ' αυτων των εργων της εξ αμφοιν παραλλαγης. Το μεν ουν παλαιον ενεγηρασκον ταις βασιλειαις οι κριθεντες απαξ και τυχοντες της εξουσιας ταυτης, τοπους τε διαφεροντας οχυρουμενοι και τειχιζοντες και χωραν κατακτωμενοι, το μεν της ασφαλειας χαριν, το δε της δαψιλειας των επιτηδειων τοις υποτεταγμενοις· αμα δε περι ταυτα σπουδαζοντες εκτος ησαν πασης διαβολης και φθονου δια το μητε περι την εσθητα μεγαλας ποιεισθαι τας παραλλαγας μητε περι την βρωσιν και ποσιν, αλλα παραπλησιον εχειν την βιοτειαν τοις αλλοις, ομοσε ποιουμενοι τοις πολλοις αει την διαιταν. Επει δ' εκ διαδοχης και κατα γενος τας αρχας παραλαμβανοντες ετοιμα μεν ειχον ηδη τα προς την ασφαλειαν, ετοιμα δε και πλειω των ικανων τα προς την τροφην, τοτε δη ταις επιθυμιαις επομενοι δια την περιουσιαν εξαλλους μεν εσθητας υπελαβον δειν εχειν τους ηγουμενους των υποταττομενων, εξαλλους δε και ποικιλας τας περι την τροφην απολαυσεις και παρασκευας, αναντιρρητους δε και παρα των μη προσηκοντων τας των αφροδισιων χρειας και συνουσιας. Εφ' οις μεν φθονου γενομενου και προσκοπης, εφ' οις δε μισους εκκαιομενου και δυσμενικης οργης, εγενετο μεν εκ της βασιλειας τυραννις, αρχη δε καταλυσεως εγεννατο και συστασις επιβουλης τοις ηγουμενοις· ην ουκ εκ των χειριστων, αλλ' εκ των γενναιοτατων και μεγαλοψυχοτατων, ετι δε θαρραλεωτατων ανδρων συνεβαινε γινεσθαι δια το τους τοιουτους ηκιστα δυνασθαι φερειν τας των εφεστωτων υβρεις.