da Ospite » 6 ago 2019, 8:46
Ho bisogno urgente di questa versione di latino
Sub imperatoris Titi regno multae fortuitae ac tristes calamitates acciderunt, ut conflagratio Vesuvii montis in Campania et incendium Romae per triduum totidemque noctes, item magna pestilentia quae per totam Italiam manavit. In iis tot adversis rebus Titus non modo principis sollicitudinem, sed etiam patris affectum praestĭtit: nam et verbis omnes cives consolatus est et re opitulatus est eis qui omnia amiserant. Bona eorum, qui in Vesuvii conflagratione mortui erant, restitutioni afflictarum civitatum destinavit. Post Urbis incendium ad templorum publicorumque aedificiorum refectionem cuncta ornamenta suorum praetoriorum vendĭdit praeposuitque magistratus, qui operibus praeessent. Cum pestilentiae magnitudinem gravitatemque cognovit, ad leniendum morbum omni divina humanaque ope usus est atque sollemnia sacrificia omnibus deis praebuit.