I fori dell'antica Roma

[Ospite]

In urbe Roma multa erant fora, quorum altera civilia, altera venalia vocabant. In foris civilibus magistratus iudicia exercebant populusque comitia habebat. In foris venalibus cives et advenae merces venumdabant omneque negotiorum genus curabant. Fora utriusque generis antiqui scriptores commemorant: ex venalibus, forum boarium, quod inter Circum Maximum et Tiberim late patebat; forum pistorium, prope Aventinum; forum olitorium, in radicibus montis Capitolini; forum piscarium, haud procul ab aede Vestae. Ex civilibus, forum Traiani, forum Augusti, forum Nervae, forum Romanum. Praeterea multae tabernae circumdabant fora quoque civilia, praesertim forum Romanum quod, usque a reipublicae temporibus, signis, rostris, porticibus variisque aedificiis veteres Romani exornaverant. Huc semper civium concursus maximus erat. traduzione

[Eragon]

/versione-latino/i-fori-dell-antica-roma-A_93753.html