Saggio governo di Timoleone in Sicilia - versione latino

[Ospite]

Expulso Dionysio Carthaginiensibusque profligatis, Timoleon, quia propter diuturnitatem belli non solum regiones, sed etiam urbes desertae erant, primum e Sicilia, dein Corintho arcessivit colonos, quod ab iis initio Syracusae erant conditae. Civibus veteribus sua (i loro beni) restituit, novis bello vacuefactas possessiones divisit, urbium moenia disiecta fanaque detecta refecit, civitatibus leges libertatemque reddidit: ex maximo bello tantum otium toti insulae conciliavit, ut hic conditor urbium earum iudicaretur, non illi, qui initio deduxerunt. Arcem, quam munierat Dionysius ut urbem in dicionem suam redigeret, a fundamentis disiecit, cetera tyrannidis propugnacula delevit deditque operam, ne vestigia servitutis manerent. Quamvis tantae essent ei opes, ut etiam invitis imperare posset, tantum autem amorem haberet omnium Siculorum, ut regnum obtinere posset, maluit (preferì) se diligi quam metui. Itaque, cum primum potuit, imperium deposuit ac privatus Syracusis, quod reliquum vitae fuit (il resto della vita), vixit.
pag. 329 n. 14 didici 1

[giada]

Traduzione sul nostro sito cliccando

/versione-cornelio-nepote/saggio-governo-di-timoleonte-in-sicilia.html