Chryseidem sacerdotis Chrysae filiam Agamemnon captivam in potestate sua tenebat

[Ospite]

Chryseidem, sacerdotis Chrysae filiam, Agamemnon captivam in potestate sua tenebat. Sacerdos, pater eius puellae, maestus in castra Graecorum venit ut filiam suam repeteret. Frustra oravit Agamemnonem, sed Graecorum dux non solum captivam non dimisit, verum etiam sacerdotem superbis et contumeliosis verbis contempsit. Tum sacerdos Apollinem rogavit ut Agamemnonem propter eius superbiam puniret. Preces sacerdotis sui exaudivit Apollo: de caelo in castra Graecorum descendit et suis sagittis multos equites peditesque cum ducibus suis vulneravit et occidit. Nam sagittae Apollinis, ut mortiferum morbum excitarent, venenatae erant. Sic miseri homines in castris Agamemnonis peribant (perivano). Tunc Graecorum principes, ne dei ira sui milites perirent, Agamemnonem coegerunt ut virginem patri eius redderet.

[giada]

/versione-latino/agamennone-e-crise.html

/libro-latino/novaofficina/agamennone-e-criseide.html

/versione-latino/agamennone-e-criseide.html