da Ospite » 4 ago 2020, 16:41
M. Minucio et A. Sempronio consulibus, magna vis frumenti e Sicilia Romam advecta est, agitatumque est in senatu quanti plebei daretur. Multi senatores venisse tempus premendae plebis putabant recuperandique iura quae extorta secessione essent. In primis Marcius Coriolanus, qui plebis tribunis adversabatur: "Si in tanta rei frumentariae necessitate plebei annonam levare volunt, ius pristinum reddant patribus. Cur ego magistratus plebeios, cur Sicinum potentem videre debeo? Egone hoc dedecus diutius patiar quam necesse est? Egone, qui Tarquinium regem non tulerim, Sicinium feram? Secedat nunc Sicinius, avocet plebem; patet viam in Sacrum Montem aliosque colles; rapiant sane frumenta ex agris nostris quem ad modum abhinc tribus annis rapuere. Utantur hac annona, quam furore suo fecere".
traduzione