Parrhasius descendisse in certamen cum Zeuxide traditur, et cum Zeuxis detulisset uvas pictas tanto successu ut in scaenam aves advolarent, Parrhasius detulisse linteum pictum ita veritate repraesentata, ut Zeuxis flagitaret remoto linteo ostendi picturam. Intellecto errore, concessit palmam, quoniam ipse volucres fefellisset, Parrhasius autem se artificem. Fertur et postea Zeuxis pinxisse puerum uvas tenentem, ad quas cum advolassent aves, processit iratus operi, et dixit: <<Uvas melius pinxi quam puerum, quoniam si et hunc consumassem, aves timere debuerant>>. Parrhasius primus symmetriam picturae dedit, primus argutias voltus, elegantiam capilli, venustatem oris, confessione artificum in liniis extremis palmam adeptus est.
la traduzione la trovi sul nostro sito cliccando
/versioni-plinio-il-vecchio/parrasio-e-zeusi-nella-pittura.html
