VERSIONE GRECO LUCIANO Franchezza dello scrittore

Πολλοί συνέγραψαν ὡς δή τινας ἑαυτῶν πλάνας τε καί ἀποδημίας,θηρίων τε μεγέθε ἱστοροῦντες καί ἀνθρώπων ὠμότητας καί βίων καινότητας:ἀρχηγός δέ αὐτοῖς καί διδάσκαλος τῆς τοιαύτης βωμολοχίας ὁ τοῦ Ὁμήρου Ὀδυσσεύς,τοῖς περί τόν Ἀλκίνουν διηγούμενος ἀνέμων τε δουλείαν καί μονοφθάλμους καί ὠμοφάγους καί ἀργίους τινάς ἀνθρώπους,ἔτι δέ πολυκέφαλα ζῷα καί τάς ὑπό φαρμάκων τῶν ἑταίρων μεταβολάς,οἷς πολλά ἐκεῖνος πρός ἰδιώτας ἀνθρώπους τοὺς Φαίακας ἐτερατεύσατο.Τούτοις οὖν ἐντυχών ἅπασιν,τοῦ ψεύσασθαι μέν οὐ σφόδρα τούς ἄνδρας ἐμεμψάμην,ὁρῶν ἤδη σύνηθες ὂν τοῦτο καί τοῖς φιλοσοφεῖν ὑπισχνουμένοις:ἐκεῖνο δέ αὐτῶν ἐθαύμασα,εἰ ἐνόμιζον λήσειν οὐκ ἀληθῆ συγγράφοντες.Διόπερ καί αὐτός ὑπό κενοδοξίας ἀπολιπεῖν τι σπουδάσας τοῖς μεθ'ἡμᾶς,ἵνα μή μόνος ἄμοιρος ὦ τῆς ἐν τῷ μυθολογεῖν ἐλευθερίας,ἐπεί μηδέν ἀληθές ἱστορεῖν εἶχον ὁὐδέν γάρ ἐπεπόνθειν ἀξιόλογον- ἐπί τό ψεῦδος ἐτραπόμην πολύ τῶν ἄλλων εὐγνωμονέστερον:κἂν ἓν γάρ δή τοῦτο ἀλεθεύσω λέγων ὅτι ψεύδομαι.Οὕτω δ'ἄν μοι δοκῶ καί τήν παρά τῶν ἄλλων κατεγορίαν ἐκφυγεῖν αὐτός ὁμολογῶν μηδέν άληθές λέγειν.Γράφω τοίνυν περί ὧν μήτε εἶδον μήτε ἔπαθον μήτε παρ ' ἄλλων ἐπυθόμην,ἔτι δέ μήτε ὅλος ὄντων μήτε τήν ἀρχήν γενέσθαι δυναμένων.Διό δεῖ τούς ἐντυγχάνοντας μηδαμῶς πιστεύειν αὐτοις.