Appio Claudio un vecchio da ammirare CICERONE versione

resistendum est contra senectutem et eius vitia diligentia compensanda sunt. Pugnandum sicut contra morborum vim,ita contra senectutem: habenda ratio valetudinis,utendum exercitationibus modicis, tantum cibi et potionis adhibendum (est),quantum satis sit ad reficiendas,non ad opprimendas,vires. Nec verum corpori solum subveniendum est,sed menti multo magis; nam haec ,nisi tamquam lumini oleum instilles,extinguitur senectute. Corpora quidem defatigatione ingravescunt,animi autem se exercendo levantur. Quattuor robustos filios,quinque filias,tantam domum Appius Claudius regebat et caecus et senex:intentum enim animum tamquam arcum habebat nec succumbebat senectuti. Ita enim senectus honesta habenda est, si se ipsa defendendo nemini emancipata est. Non modo igitur vituperatio nulla,sed etiam summa laus senectuti tribuenda est quod ea voluptates nullas magnopere desiderat;sed,si aliquid dandum putat voluptati,modicis tamen coviviis delectari potest.

la traduzione è visibile sul nostro sito cliccando


/versione-cicerone/appio-claudio-un-vecchio-da-ammirare.html

Buona Lezione