LE BIBLIOTECHE DI ATENE E ALESSANDRIA VERSIONE LATINO

Libro: Perducere

Pisistratus tyrannus primus collegisse dicitur athenis libros disciplinarum liberalium ut publice omnibus civibus praeberentur ad legendum. Deinceps studiosius accuratiusque ipsi Athenienses feruntur auxisse copiam librorum, quos pISISTRATUS COLLEGERAT; SED POSTEa omnem illam librorum copiam Xerxes, potitus Athenis, abstulit asportavitque in persas. Eos porro libros universos, multis post tempestatibus, Seleucus rex, qui nicator appelatus est, referendos athenas curavit.
Ingens postea numerus librorum in Aegypto ab Ptolemaeis regibus vel conquisitus vel confectus est ad milia ferme voluminum septingenta; sed ea omnia volumina dicuntur bello priore Alexandrino, dum diripitur ea civitas, incensa esse non sponte neque opera consulta, sed forte a militibus auxiliariis.

(Da Gellio)