Versione:negli uomini vi è un'innata speranza di immortalità

Loquor de principibus; quid? Poetae nonne post mortem nobilitari volunt? unde ergo illud " aspicite, o cives, senis Enni imaginis formam: hic vestrum panxit maxima facta patrum"? mercedem gloriae flagitat ab iis quorum patres adfecerat gloria. sed quid poetas? opifices post mortem nobilitari volunt. quid enim Phidias sui similem speciem inclusit in clupeo Minervae, cum inscribere nomen non liceret? quid? nostri Philosophi nonne in is libris ipsis, quos scribunt de contemnenda gloria, sua nomina inscribunt? quodsi omnium consensus naturae vox est, omnesque qui ubique sunt consentiunt esse aliquid, quod ad eos pertineat qui vita cesserint, nobis quoque idem existimandum est. Cicerone