Il Nilo Nilus primum per Aethiopiae deserta fluit

Nilus primum per Aethiopiae deserta fluit. Postea in Numidiam vergit et colligitur in Aegypto apud Philas, quae insula sunt Inter fluvii aquas. Post Philas fluvius excipitur cataractis: aquae scopulos saxaque verberant et spumant et subito de magna altitu­dine cadunt. Apud Memphim Nilus in mille rivos scinditur et tandem per septem ostia in mare emittitur. Quotannis Nilus extra ripas diffluit, per totam Aegyptum discurrit, campos inundat et diu stagnat. Et aquam et terram inducit: nam lutosas et turbidas aquas habet et limum aridis agris adlinit. Mira est fluvii natura: Nilus enim terram non exedit nec abradit, immo Nili limus arenas saturat et campos fecundat; sic Aegypti agricolae non arant, sed expedìte serunt et metunt.