da Anonimous03 » 20 lug 2018, 12:44
Neque vero ille vir minus bonus pater familias habitus est quam civis. Nam, quamquam erat pecuniosus, nemo illo minus fuit emax, minus aedificator. Et tamen in primis bene habitavit omnibusque optimis rebus usus est. Nam domun habuit in colle Quirinali, ab avunculo hereditate relictam; cuius amoenitas non aedifìcio, sed silva constabat. Ipsum enim tectum antiquitus constìtutum plus salis quam sumptus habebat; et in eo nihil commutavit, nisi quod vetustate commutare coactus est. Elegans, non magnificus fuit; splendidus, non sumptuosus: omnisque diligentia munditiam, non affluentiam affectabat. Supellex modica, non multa. Nullos habuit hortos, nullam suburbanam aut maritimam sumptuosam villana neque in Italia, praeter Arretinum et Nomentanum, rusticum praedium, omnisque eius pecuniae reditus constabat in Epiroticis et urbanis possessionibus. (da Cornelio Nepote) versione latino Didici 1 pag. 262 n. 26
- Allegati
-